“Məni taparsınız şeirlərimdə...” - Cabir Novruz
Mədəniyyət
22:49
11.03.2023
9 238
Cabir Novruzun 90 illik yubileyi ilə bağlı xatirə gecəsi keçirilib
Martın 12-si XX əsr Azərbaycan poeziyasının görkəmli nümayəndəsi, Xalq şairi Cabir Novruzun (1933-2002) 90 illik yubileyi tamam olur. Bu münasibətilə martın 9-da Beynəlxalq Muğam Mərkəzində “Məni taparsınız şeirlərimdə” adlı xatirə gecəsi keçirilib.
Azərbaycan Yazıçılar Birliyinin (AYB) sədri, Xalq yazıçısı Anar çıxış edərək, Cabir Novruzun yaradıcılığından, ədəbi qəzet və jurnallarda fəaliyyətindən söz açıb. O, deyib ki, şairin yaradıcılığı bədii səviyyəsi, mövzu rəngarəngliyi ilə seçilir, sözlərinə bəstələnmiş çoxsaylı mahnılar musiqisevərlər tərəfindən həmişə böyük rəğbətlə qarşılanır. Cabir Novruzun əsərləri müxtəlif dillərə tərcümə edilib, eyni zamanda, onun bədii tərcümələri sayəsində Azərbaycan oxucusunun dünya poeziyasının bir sıra qiymətli nümunələri ilə tanış olmaq imkanı yaranıb.
AYB-nin birinci katibi, Xalq yazıçısı Çingiz Abdullayev bildirib ki, Cabir Novruz gəncliyindən bəşəri hiss və duyğuları özündə ehtiva edən lirik şeirləri ilə şöhrət qazanıb. Onun poeziyası oxucunu düşündürür, həyata düzgün baxış formalaşdırır.
Xatirə gecəsində şairin sağlığında lentə alınan kadrlarda öz ifasında şeirlərindən nümunələr təqdim olunub. Mərhum aktyor, Xalq artisti Əliabbas Qədirovun qiraətində “Cavanlığım” şeirinin lent yazısı alqışlarla qarşılanıb.
Milli Konservatoriyanın professoru Abbasqulu Nəcəfzadənin rəhbərliyi ilə “Günaydın” ansamblının müşayiəti ilə Xalq artistləri Gülyanaq Məmmədova, Zaur Rzayev, Əməkdar artist Mətanət İsgəndərli və gənc müğənnilərin ifasında şairin sözlərinə yazılmış mahnılar səslənib.
Qeyd edək ki, Cabir Novruzun müxtəlif illərdə çap olunmuş “İnsan məhəbbəti”, “İllərin ömrü”, “Bizim əsr”, “Adi həqiqətlər”, “Həyat, sən nə qəribəsən”, “Taleyin töhfələri”, “Bir dünyam var”, “İnsan himnləri”, “Ömür keçir karvan kimi”, “Ulu dünya, heyifsən”, “Özünü qoru, xalqım” və digər kitabları bu gün də maraqla oxunur. Sözlərinə bəstələnən mahnılar (“Məhəbbət”, “Mənim duyğularım”, “Cavanlığım”, “Bulaq suyu, dağ havası”, “Böyüməyə tələsmə”, “Bu nə cür məhəbbətdir”, “Səsim səsinə öyrəşib”, “Ömür keçir”, “Sən oldun”, “Gecikmiş məhəbbət” və s.) dinləyicinin qəlbinə təravət bəxş etməklə bərabər, düşüncələrə qərq edir.(medeniyyet.az)
Becan.az
Martın 12-si XX əsr Azərbaycan poeziyasının görkəmli nümayəndəsi, Xalq şairi Cabir Novruzun (1933-2002) 90 illik yubileyi tamam olur. Bu münasibətilə martın 9-da Beynəlxalq Muğam Mərkəzində “Məni taparsınız şeirlərimdə” adlı xatirə gecəsi keçirilib.
Azərbaycan Yazıçılar Birliyinin (AYB) sədri, Xalq yazıçısı Anar çıxış edərək, Cabir Novruzun yaradıcılığından, ədəbi qəzet və jurnallarda fəaliyyətindən söz açıb. O, deyib ki, şairin yaradıcılığı bədii səviyyəsi, mövzu rəngarəngliyi ilə seçilir, sözlərinə bəstələnmiş çoxsaylı mahnılar musiqisevərlər tərəfindən həmişə böyük rəğbətlə qarşılanır. Cabir Novruzun əsərləri müxtəlif dillərə tərcümə edilib, eyni zamanda, onun bədii tərcümələri sayəsində Azərbaycan oxucusunun dünya poeziyasının bir sıra qiymətli nümunələri ilə tanış olmaq imkanı yaranıb.
AYB-nin birinci katibi, Xalq yazıçısı Çingiz Abdullayev bildirib ki, Cabir Novruz gəncliyindən bəşəri hiss və duyğuları özündə ehtiva edən lirik şeirləri ilə şöhrət qazanıb. Onun poeziyası oxucunu düşündürür, həyata düzgün baxış formalaşdırır.
Xatirə gecəsində şairin sağlığında lentə alınan kadrlarda öz ifasında şeirlərindən nümunələr təqdim olunub. Mərhum aktyor, Xalq artisti Əliabbas Qədirovun qiraətində “Cavanlığım” şeirinin lent yazısı alqışlarla qarşılanıb.
Milli Konservatoriyanın professoru Abbasqulu Nəcəfzadənin rəhbərliyi ilə “Günaydın” ansamblının müşayiəti ilə Xalq artistləri Gülyanaq Məmmədova, Zaur Rzayev, Əməkdar artist Mətanət İsgəndərli və gənc müğənnilərin ifasında şairin sözlərinə yazılmış mahnılar səslənib.
Qeyd edək ki, Cabir Novruzun müxtəlif illərdə çap olunmuş “İnsan məhəbbəti”, “İllərin ömrü”, “Bizim əsr”, “Adi həqiqətlər”, “Həyat, sən nə qəribəsən”, “Taleyin töhfələri”, “Bir dünyam var”, “İnsan himnləri”, “Ömür keçir karvan kimi”, “Ulu dünya, heyifsən”, “Özünü qoru, xalqım” və digər kitabları bu gün də maraqla oxunur. Sözlərinə bəstələnən mahnılar (“Məhəbbət”, “Mənim duyğularım”, “Cavanlığım”, “Bulaq suyu, dağ havası”, “Böyüməyə tələsmə”, “Bu nə cür məhəbbətdir”, “Səsim səsinə öyrəşib”, “Ömür keçir”, “Sən oldun”, “Gecikmiş məhəbbət” və s.) dinləyicinin qəlbinə təravət bəxş etməklə bərabər, düşüncələrə qərq edir.(medeniyyet.az)
Becan.az
Oxşar xəbərlər
{sape_links}