Həkim, deputatın dərman qiymətlərilə bağlı açıqlamasını bağladı
Manşet / Sosial
12:58
30.03.2023
3 500
Tanınmış həkim-infeksionist Mərdan Əliyev deputat Kəmaləddin Qafarovun ötən gün parlamentin iclasında çıxışı zamanı Azərbaycanda bəzi dərmanların qiymətlərinin Türkiyədən ucuz olması barədə fikirlərinə cavab verib.
Mərdan Əliyev deputatın fikirlərinin səhv olduğuna diqqət çəkib:
"Hazırda ölkəmizdə dərmanların qiymətində artım müşahidə olunur. Düzdür, Azərbaycanda bəzi dərmanların qiymətləri Türkiyədən ucuzdur. Lakin bunlar eyni tərkiblidir, amma müxtəlif brend adında olan dərmanlardır. Yəni, eyni molekuldur, amma Türkiyədə bu, başqa, bizdə başqa brend adıyla satılır. Bu formada qiymət ucuz ola bilər. Amma eyni brend adında olan dərmanlar, eyni ölkə istehsalı olan dərmanlar Türkiyədə daha ucuzdur.
Dərmanların baha olmasının, açığı, səbəblərinin nə olduğunu bilmirəm. Obyektivdirmi, subyektivdirmi? Bunu dəqiq bilmirəm, amma eyni brend adında olan dərmanlar Türkiyədə bizdən daha ucuzdur".
Qeyd edək ki, son vaxtlar Azərbaycanda dərmanların qiymətlərinin bahalaşması və bəzi tələbatlı dərmanların, ümumiyyətlə, tapılmaması həm cəmiyyət, həm də hakimiyyət qurumlarının nümayəndələri arasında dartışılan mövzulardandır.
Becan.az
Oxşar xəbərlər
{sape_links}