Azərbaycanda yeni jurnalist həmrəyliyi təşkilatı yarandı
Cəmiyyət / Manşet
17:26
10.04.2023
2 376
Azərbaycan media cameəsindən yeni xəbər var...
Ölkə jurnalistlərinin peşə fəaliyyəti ilə bağlı qarşılaşdıqları, eləcə də çağdaş mediamızın müxtəlif sferalarında olan və olacaq problemlər yeni təşkilatın yaradılmasını zərurətə çevirir. Bu haqda Yenixeber.org İnformasiya Portalının rəhbəri İlqar Salmanov FB səhifəsində yazıb:
"Azərbaycanda jurnalistika, media ilə bağlılığı iddia olunan yetərli sayda təşkilatlar var. Təəssüf ki, bunun qarışılığında ölkə jurnalistlərinin peşə fəaliyyəti ilə bağlı qarşılaşdıqları, eləcə də çağdaş mediamızın müxtəlif sferalarındakı problemlərin həlli istiqamətində hiss olunacaq addımlar müşahidə olunmur. Bu və jurnalistlər arasında həmrəyliyin vacibliyi səbəbi yeni təşkilatın yaradılmasını zərurətə çevirir.
Azad Jurnalistlər Təşkilatı (AJT) da məhz bu zərurətdən doğdu... Yeni təşkilat 7 təcrübəli media mənsubları tərəfindən təsis olunub: Tapdıq Abbas (“Paralel” Media Qrupu), Rövşən Kəbirli (“Müxalifət” qəzeti), Kamran Məhərrəmli ("Nuh” İnformasiya Portalı), İlqar Salmanov (“Yenixeber.org” İnformasiya Portalı), Şirin Cəfəri ("Gündemxeber.az” İnformasiya Portalı), Habil Tağıyev (“Dəryaz” qəzeti), Akif Nəsirli (“Paralel” qəzeti).
Məqsədimiz həmkarlarımızın peşə fəaliyyəti ilə bağlı qarşılaşdıqları problemləri, eləcə də mediamızın inkişaf yollarını araşdırmaq və ictiamiləşdirməklə yanaşı, bu problemlərin həlli istiqamətində aidiyyatı dövlət strukturlarına təkliflər paketi təqdim etmək, müvafiq layihələr gerçəkləşdirməkdir.
Jurnalistlər arasında həmrəyliyə nail olmaq da, hədəflərimiz sırasındadır".
Oxşar xəbərlər
{sape_links}