Coşkun Başbuğ: "Türkiyədə çaxnaşma yaratmaq istəyirlər"
Dünya
18:27
5.05.2023
1 110
“Fransada PKK terrorçularının səs verməyə gedən vətəndaşlarımıza hücum etməsinə şərait yaradıldı. Fransa polisi bu hücumları sadəcə izlədi. Bu cür əməllərə əl ataraq xalqa təzyiq göstərirlər. Çalışırlar ki, xalq səsverməyə gəlməsin".
Bunu türkiyəli ekspert Coşkun Başbuğ Avropa ölkələrində Türkiyə vətəndaşları üçün qurulan səsvermə məntəqələri yaxınlığında baş verən insidentlər barədə danışarkən bildirib.
O, eyni şəkildə Almaniyada da təhlükəsizlik bəhanəsilə seçki qutularının yığışdırılacağını bildirib:
"Burda məqsəd insanları səsvermədən yayındırmaqdır. Amma oradakı həssas türk vətəndaşları "bu, bizim milli borcumdur" - deyərək, uzağa da göndərsələr də, gedib səs verdilər və verməyə davam edirlər. Avropada əvvəlki seçkilərdə səsvermənin ilk 5 günündə 330 min nəfər səs verirdisə, indi bu say 800 mini keçib.
Bu, onu göstərir ki, millət kritik bir seçim prosesinin olduğunu dərk edir və dövlətini yalnız buraxmamaq üçün canla-başla səsverməyə qatılır. Bu, çox ümidverici bir hadisədir.
Vətəndaşların iştirakı çox önəmlidir. ABŞ və Avropa liderləri küçə münaqişələri və çaxnaşma yaratmağı planlayırlar. Yəni, bunu edəcəklər. Hətta, yaxın günlərdə bəzi sui-qəsd tipli hücumların ola biləcəyi də bildirilir. Amma çox şükür, Türk milləti çox ayıqdır və bu cür oyunlara aldanmır”.
Becan.az
Oxşar xəbərlər
{sape_links}