Putin atəşkəs istəyir, amma şərtlərlə...

Rusiya Prezidenti Vladimir Putin Kiyev administrasiyasını müharibəni dayandırmağa çağırıb.

Xəbər verilir ki, Moskva administrasiyası Ukrayna müharibəsini dayandırmaq üçün şərtlərini açıqlayıb.

Putin Xarici İşlər Nazirliyinin yüksək vəzifəli şəxsləri ilə görüş keçirib. O, davam edən münaqişələrlə bağlı mühüm mesajlar verib. Eləcə də, Ukraynaya hücumları dayandırmaq üçün iki şərt irəli sürüb.

Rusiya lideri bildirib ki, Ukrayna Donetsk, Luqansk, Xerson və Zaporojyadan qoşunlarını çıxarsa və NATO-ya üzv olmaq istəyindən əl çəksə, danışıqlara başlaya bilərlər.

“İsveçrədəki konfransa dəvət edilmədik”, - deyən Putin, bildirib:

“Rusiyasız, bizimlə açıq və məsuliyyətli bir dialoq qurmadan Ukrayna və Avropa təhlükəsizliyinin həllini tapmaq mümkün deyil”.

Qeyd edək ki, iyunun 15-16-da İsveçrədə Ukrayna Sülh Konfransı keçiriləcək. Müharibənin tərəflərindən olan Rusiya konfransa dəvət olunanlar arasında yoxdur.

Becan.az