Milli mətbuatın yaranmasından 149 il ötür
Gündəm / Cəmiyyət
18:52
22.07.2024
889
Bu gün Azərbaycanda Milli Mətbuat Günüdür.
149 il öncə - 1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabi "Əkinçi” qəzetinin nəşrinə başlamaqla, Azərbaycanda milli mətbuatın əsasını qoyub.
"Əkinçi” Azərbaycan dilində əsl milli demokratik və xalq mətbuatının ilk təməl daşını qoyub. Cəmi 56 nömrəsi çıxan qəzet millətin aynası olub, Azərbaycan jurnalistikasının bayraqdarına çevrilib.
Sonrakı illərdə görkəmli ziyalılar tərəfindən nəşr edilən "Ziya”, "Kəşkül”, "Şərqi-rus”, "İrşad”, "Molla Nəsrəddin” kimi qəzet və jurnallar "Əkinçi”nin ənənələrini davam etdirib. Bu mətbuat orqanlarının əsas hədəfi cəhalətə, haqsızlığa qarşı mübarizə, maarifləndirmə idi...
Dövlətin, millətin inkişafı, tərəqqisi naminə qələm çalan jurnalistlərin, ümumiyyətlə, mətbuat sahəsində əməyi, dəyəri, yeri olan hər kəsin bayramını təbrik edirik!
Becan.az
Oxşar xəbərlər
{sape_links}