Ağsu RQİİ-dən şikayət: Kürdəmir XS işçiləri qızmar istidə işləməyə VADAR EDİR
Cəmiyyət / Bölgə
18:45
3.08.2024
1 603
Dünən (Bir gün əvvəl-red.) Dia-az.İnfo olaraq "Azəriqaz" İstehsalat Birliyinin Ağsu Regional Qaz İstismarı İdarəsində müşahidə olunan özbaşınalıqlarla bağlı Neftçilərin Hüquqlarının müdafiə Komitəsinin (NHMT) sədri Mirvari Qəhrəmanlının qaldırdığı bir xüsusatla bağlı məlumat paylaşdıq.
Qeyd edək ki, kifayət qədər ajiotaja nədən olan bu məsələyə hələ də rəsmi münasibət bildirilməyib. Amma buna rəğmən, şikayətlər artmaqdadır. Buna misal olaraq "Azəriqaz" çalışanı İsmayıl Bağırovun Dia-az.İnfo-ya bildirdiyi şikayət dolu narazılığı diqqətinizə çatdırırıq:
"Bütün problemlər Ağsu RQİİ-nin Kürdəmir XS-də baş verir. Bu isti havada ölkənin ən isti rayonu olan Kürdəmirdə işçiləri 1 saatlıq yemək fasiləsindən sonra qızmar günəş şüası altında işləməyə məcbur edirlər ki, bizə belə bir qərar verilməyib. Deməli, bu idarənin nə əvvəlki rəisi Osman Beybudov, nə də indiki rəisi Vəli Sadiqov öz işlərini qura bilməyiblər. İdarə rəisləri "Kərbəlayi" rolunu, baş mühəndislər Nemət, Zaur və hal-hazırkı Elşən Rəhimov isə " Qəmlo " rolunu oynayır. Bunların arasında Taleh Həsənov adlı bir baş mühəndis də vardı. Onun vaxtında həm iş öz qaydasında gedirdi, həm də o kiməsə problem yaratmırdı. Buna görə işçilər də ondan razı idi.
İş o yerə çatıb ki, işçilərə töhmət veriləndə, onları təhqir edib yazırlar ki, "işini vicdansızcasına yerinə yetirmədiyi üçün... ".
Eləcə də, abonentlər tərəfindən poçta, banka ödənməli pulu nəzarətçiyə əl ilə yığmağı məcbur edirlər. Əsas da baş mühəndis Elşən Rəhimov...."(Bia.az)
Oxşar xəbərlər
{sape_links}