İsraildə nazir böhranı yaşanır

İsrailin daxili işlər naziri Moşe Arbel, sosial işlər naziri Yaakov Margi və dini işləri üzrə naziri Mixael Malkieli Baş nazir Benyamin Netanyahuya istefa ərizələri yazıblar.

Xəbər verilir ki, bu barədə "Tayms of İsrail" qəzeti məlumat yayıb.

Qeyd olunub ki, "Şas" partiyasını təmsil edən bu nazirliklərin rəhbərləri partiyanın hökumətdən çıxmaq istəyi ilə əlaqədar istefa ərizəsi verirlər. Daxili siyasi münaqişə dini ali təhsil müəssisəsindən olan tələbələrin hərbi xidmətdən azad edilməsini nəzərdə tutan qanunun qəbulu ilə bağlı problemlər nəticəsində baş verib.

"Şas" partiyasının nümayəndələri həmçinin səhiyyə naziri, əmək naziri və kənd təsərrüfatı nazirinin müavini vəzifələrini tuturlar. Gözlənilir ki, bu gün onlar da istefa ərizələrini verəcəklər.

Becan.az