Qara Qarayevin 105 illiyinə həsr olunmuş konsert verilib
Mədəniyyət
22:49
5.02.2023
981
Fevralın 5-i dahi bəstəkar, pedaqoq, SSRİ Xalq artisti, dövlət mükafatları laureatı, Sosialist Əməyi Qəhrəmanı Qara Qarayev (1918–1982) anadan olmasının 105-ci ildönümüdür. Bu münasibətlə Mədəniyyət Nazirliyinin dəstəyi ilə Qara Qarayev adına Mərkəzi İncəsənət Məktəbi tərəfindən Beynəlxalq Muğam Mərkəzində konsert təşkil edilib.
Əvvəlcə tədbirin aparıcısı, məktəbin nəzəriyyə ixtisası üzrə müəllimi Nərgiz Kərimova bəstəkarın həyat və yaradıcılığı haqqında danışıb.
Mərkəzi İncəsənət Məktəbinin şagirdlərindən ibarət kamera ansamblının (bədii rəhbər Əməkdar artisti Vaxtanq İmanov) ifasında Qara Qarayevin musiqiləri səsləndirilib. Konsert proqramı rəğbətlə qarşılanıb. Məktəbin direktoru, Əməkdar artisti Əziz Qarayusifli və şagird Hüseyn Gözəlovun “İldırımlı yollarla” baletindən “Gitaralı qızların rəqsi” əsərinin klarnetdə duet ifası (Lenay Seidəlizadə və Aslana Əliyevanın gözəl rəqslərinin müşayiəti ilə) tamaşaçıların xüsusi alqışlarını qazanıb.
Tədbirin sonunda Mədəniyyət Nazirliyinin nümayəndəsi və Xalq artisti Roza Cəlilova maraqlı konsert proqramına görə məktəbin kollektivinə təşəkkür edib və yeni uğurlar arzulayıb.
Becan.az
Oxşar xəbərlər
{sape_links}