Şəhid Eşqin Hüseynov doğulduğu kəndin qəbirstanlığında dəfn olunub
Hərb
15:12
6.03.2023
1 184
Martın 5-də səhər saatlarında qeyri-qanuni erməni birləşmələrinin törətdikləri təxribat nəticəsində şəhid olan Azərbaycan Ordusunun hərbi qulluqçusu Hüseynov Eşqin Cəmil oğlunun nəşi doğulduğu Tovuz rayon Hunanlar kəndinə aparılıb.
Xəbərə görə, onun nəşi ailəsinə təhvil verilib.
Ailəsinin yaşadığı evdə şəhidlə vida mərasimi keçirilib.
Məlumata əsasən, şəhid Hunanlar kənd qəbiristanlığında torpağa tapşırılıb.
Dəfn mərasimində şəhidin ailə üzvləri, yaxınları ilə yanaşı, rayon icra hakimiyyətinin, hüquq-mühafizə orqanlarının, idarə və təşkilatların rəhbərləri, nümayəndələri və kənd sakinləri iştirak ediblər.
Qeyd edək ki, Eşqin Hüseynov subay olub, ailədə onun bir qardaş və bir bacısı var.
Şəhidin qardaşı da hərbçidir və Naxçıvan Muxtar Respublikasında hərbi xidmətini davam etdirir.
Becan.az
Oxşar xəbərlər
{sape_links}