İlqar Məmmədov: “Ermənistanda işləyən adam bizdəkindən 240 manat çox maaş alır”
Cəmiyyət
20:06
14.04.2023
1 156
“Ermənistanda orta aylıq əməkhaqqı 1100 manat təşkil edir, bizdə isə 856 manat. Ortada 240 manat fərq var. Yəni, Ermənistanda işləyən adam bizdəkindən 240 manat çox maaş alır. Sual olunur ki, niyə? Ölkəmiz neftlə, qazla zəngin, millətimiz çalışqan - ən azından ermənidən tənbəl deyil. Hökumətin iddiasına görə, iqtisadi firavanlıq dövrünü yaşayırıq, amma faktdır ki, azərbaycanlı 240 manat ermənidən az maaş alır...”
Bu fikirləri Respublikaçı Alternativ Partiyasının (REAL) sədri İlqar Məmmədov deyib.
"Səbəbi əslində XVII əsrdən bəllidir. Bütün tarix, iqtisadiyyat, hüquq və politologiya dərsliklərində hamısı öz əksini tapıb, tarixdə də dəfələrlə təsdiq olunub. Hansı ölkə öz rəqib ölkəsi ilə müqayisədə demokratiyası, insan haqları, qanunun aliliyi ilə daha çox tanınırsa, uzun müddətli iqtisadi rəqabətliliyi həmin ölkə qazanır. Bilirik ki, Ermənistanda heç də hər şey çiçəklənməyib. Demokratik prinsipləri orada necə oynatdıqlarından, əlbəttə, xəbərdarıq. Amma zahiri görüntüləri ən azından bəllidir. Bəzən orada məhkəmə hökumətin iradəsinə zidd qərarlar qəbul edir, parlament seçkiləri nisbətən təmiz keçirilir, beynəlxalq ictimaiyyət də bunu tanıyır. İnsanlar çıxıb istədikləri vaxt küçədə, mətbuatda bizdəkindən dəfələrlə sərbəst qaydada etiraz sözlərini deyə bilirlər. Klassik, elmdə təsbit, tarixdə təsdiq olunmuş qaydalara əsasən, Ermənistan yavaş-yavaş bu iqtisadi yarışı da qazanmağa başlayır. Ona görə də Azərbaycanda məhkəmə qərarlarını siyasi əmrə tabe edən adamlar bizim iqtisadi durumumuza ən böyük zərəri vururlar.
Sosial-iqtisadi siyasət və s. bunlar hamısı ikinci dərəcəli şeylərdir. İqtisadi-sosial vəziyyəti təyin edən birinci amil qanunun aliliyi, demokratiya, seçki və insan haqlarıdır. Bu, tarixdə təsdiq olunub, bunu İlqar Məmmədovun deməsinə ehtiyac yoxdur”, - deyə, o, bildirib. (Pravda.az)
Oxşar xəbərlər
{sape_links}