“Laçındakı postla bağlı müəyyən uzlaşmalar istisna olunmur” - Polkovnikdən SENSASİON AÇIQLAMA
Gündəm
17:44
4.05.2023
889
“Təbii ki, sülhməramlıların yeni komandanı Azərbaycan ərazisində xidmət aparacaq, öz missiyasını yerinə yetirəcək. Amma Aleksandr Lentsovdan nəsə gözləməyə dəyməz. O, əmrə tabe olan adamdır, Rusiyanın maraqlarını qoruyur”.
Bu sözləri Musavat.com-a açıqlamasında hərbi ekspert, ehtiyatda olan polkovnik Şair Ramaldanov Rusiya sülhməramlılarının komandanının Bakı səfərinə münasibət bildirərkən deyib.
Hərbi ekspert qeyd edib ki, Lentsovun gəlişindən sonra hər şeyin dəyişəcəyinə inanmaq olmaz:
“Azərbaycan tərəfi keçmiş komandan Andrey Volkovdan yalnız neqativ yanaşma görüb. Sülhməramlıların indiyə qədər saysız-hesabsız nöqsanları üzə çıxıb. Volkov haqda məlumatlar çox idi. Ruben Vardanyanla çox yaxın olması onun fəaliyyətinə təsirsiz ötüşmürdü. Lentsovla bağlı informasiya isə azdır.
Əlbəttə, Bakı görüşündə Azərbaycan hərbi rəhbərliyi tərəfindən Aleksandr Lentsovun qarşısına müəyyən tələblər qoyulacaq. Keçmiş komandanın nöqsanları qeyd ediləcək.
Laçındakı postla bağlı da müəyyən uzlaşmalar istisna olunmur. Bu da təbii haldır. İstənilən halda keçirilən görüşlərə pozitiv baxmaq lazımdır. Görüşdən sonra vəziyyətin hansı istiqamətdə inkişaf edəcəyinə baxarıq. Əgər, biz, görsək ki, Rusiya sülhməramlıların Qarabağda qalma müddətini uzatmaq istəyir, o zaman Azərbaycan, əlbəttə ki, lazımi addımları atacaq. Laçında sərhəd-keçid məntəqəsinin qurulması artıq bir addımdır. Laçın-Xankəndi yolunun başlanğıcında Azərbaycanın sərhəd mexanizmi yaradılandan sonra ordan yüklər, şəxslər yalnız Azərbaycanın razılığı ilə keçə bilir.
Azərbaycan üçün iki əsas məsələ var: 1) 4-cü bəndin həyata keçirilməsi – qanunsuz silahlıların tərk-silah edilməsində Rusiya sülhməramlılarının rolu 2) reinteqrasiya məsələləri”.
Oxşar xəbərlər
{sape_links}