“Whatsapp” messencerində yenilik

Vatsap messencer daxilində kanallar funksiyasını təqdim edib.

Xəbər verilir ki, bu barədə şirkət məlumat yayıb.

Bildirilib ki, kanallar söhbətlər bölməsində yerləşəcək və müvafiq nişanla seçiləcək. Kanal adminləri mesajlar, fotolar, videolar, stikerlər və sorğular göndərə biləcəklər. Abunəçilər yalnız məzmuna baxa biləcəklər.

Messencer dövlət qurumlarının xəbərləri, idman, hobbi və digər mövzularla bağlı məzmunlu kanallar kataloqu yaradıb. Onları təkcə kataloq vasitəsilə deyil, həm də birbaşa keçid və ya dəvətlə tapa bilərsiniz.

Məxfilik üçün isə müəyyən vaxtdan sonra kanal nəşrlərini avtomatik silmək funksiyası da var.

Kanallar hazırda Kolumbiya və Sinqapurda seçilmiş təşkilatlar və media orqanları üçün əlçatandır və yaxın aylarda bütün regionlara yayılacaq.

Qeyd edilib ki, istənilən istifadəçi messencerdə kanal yaratmaq funskiyasından da yararlana biləcək.

Becan.az