Bu gün Şəhid Toğrul Fərəczadənin doğum günüdür - FOTO
Manşet / Cəmiyyət / Hərb
18:47
10.11.2023
2 821
Bu gün XTQ giziri, Şəhid Toğrul Habil oğlu Fərəczadənin anadan olduğu gündür.
Təqvimlə 30 yaşı tamam olan Şəhidimizin əziz xatirəsini anmaq üçün bu gün Onun ata ocağında, hər il olduğu kimi, mərasim keçirilib. Tədbirdə kənd camaatı, müxtəlif rayonları təmsil edən şəhid ailələri, hərbçi yoldaşları, eləcə də Ağsu rayonunun bir neçə müxtəlif dövlət qurumlarının nümayəndələri iştirak edib. Əvvəlcə Bico kənd qəbiristanlığında məzarı ziyarət olunan Şəhidimizin keçdiyi həyat yolundan, qəhrəmanlıq tarixçəsindən söhbətlər açılıb.
Tədbir Şəhidin ata ocağında, böyüyüb boya-başa çatdığı həyətdə ehsan süfrəsi ətrafında davam etdirilib. Şəhidin ruhuna dualar oxunub, valideynlərinə tükənməz səbr arzulanıb.
Qeyd edək ki, Toğrul Habil oğlu Fərəczadə 1993-cü ilin 10 oktyabr günündə Ağsu rayonunun Bico kəndində anadan olub.
Toğrul Fərəczadə 2016-cı ilin Aprel döyüşlərində qəhrəmancasına şəhid olub. Aprelin 9-da isə Toğrul Fərəczadə doğulduğu Ağsu rayonunun Bico kəndində son mənzilə yola salınıb.
Toğrul Fərəczadə ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.
Allah rəhmət eləsin!
Becan.az
Oxşar xəbərlər
{sape_links}