Apellyasiya Məhkəməsi həbs olunmuş jurnalistlərin bütün şikayətlərini rədd edib
Gündəm / Kriminal
20:18
20.12.2023
1 512
Dekabrın 20-də Bakı Apellyasiya Məhkəməsində araşdırmaçı jurnalist Hafiz Babalının daha üç şikayətinə baxılıb.
Bu barədə vəkil Rəsul Cəfərov məlumat verib.
Şikayətlərdən biri jurnalistlə bağlı maliyyə məlumatlarının (vergi ödənişləri, bank hesabları, qiymətli kağızlar haqqında məlumatlar) tələb edilməsilə bağlı olub. Digər şikayət bank hesablarının və kartların, o cümlədən pensiya kartının dondurulması ilə əlaqəli olub. (Babalı üçüncü qrup əlildir). Üçüncü şikayət Babalının qeyri-kommersiya strukturlarında iştirakı ilə bağlı məlumatların tələbi ilə bağlı olub.
Apellyasiya Məhkəməsi bütün şikayətləri təmin etməyib və istintaq orqanının təqdimatı əsasında Xətai Məhkəməsinin 29 noyabr tarixli qərarlarını qüvvədə saxlayıb.
Bu gün Bakı Apellyasiya Məhkəməsi həbsdə olan digər “Abzas Media” jurnalistlərinin, onların ailə üzvlərinin və bu iş üzrə keçən digər şəxslərin barələrində maliyyə məlumatlarının açıqlanması, bank hesablarının və kartlarının bloklanması ilə bağlı şikayətlərini də təmin etməyib.
Qeyd edək ki, istintaq “Abzas Media”nın həbsdə olan direktoru Ülvi Həsənli və Sevinc Vaqifqızının analarının pensiya kartlarını da bloklayıb.(Turan)
Oxşar xəbərlər
{sape_links}