İsmayıllıda mahnı müsabiqəsi keçiriləcək
Mədəniyyət / Bölgə
12:00
7.05.2024
3 297
Dağlıq Şirvan Regional Mədəniyyət İdarəsi İsmayıllı Rayon Mədəniyyət Mərkəzi Süleyman Ələsgərovun 100 illiyi" ilə əlaqədar 4 rayon üzrə mahnı müsabiqəsi elan edib.
Gənc istedadların aşkar olunması məqsədilə ərsəyə gətirilən, layihə rəhbəri Teymur Əziz olan müsabiqəyə qatılmaq istəyənlər üçün sənəd qəbuluna görə may ayının 1-dən 10-a qədər müddət verilib...
Daha ətraflı aşağıdakı elan-xəbərdən məlumat əldə etmək olar:
"Hörmətli İsmayıllı, Ağsu, Şamaxı, Qobustan rayonlarının istedadlı gəncləri!
Dağlıq Şirvan Regional Mədəniyyət İdarəsi İsmayıllı Rayon Heydər Əliyev adına Mədəniyyət Mərkəzi ilə birgə "Xalq və Bəstəkar Mahnılarından İbarət Mahnı Müsabiqəsi" elan edir:
1) Müsabiqəyə seçim mərhələsi 2 turdan ibarət olacaq, qaliblər İsmayıllı Rayon Heydər Əliyev adına Mədəniyyət Mərkəzində yekun konsertdə təqdim olunacaq;
2) Müsabiqədə yüksək nəticə göstərən iştirakçılar - l, ll, lll yerin qalibləri Qran-Pri və Diplomlarla təltif olunacaq.
Müsabiqədə iştirak şərtləri:
1. Müsabiqədə yaşı 8-dən 35-dək olan xanəndə, vokal ifaçıları və istedadlı gənclər iştirak edə bilərlər;
2. Hər bir müsabiqə iştirakçısı təxminən 5 dəqiqə ərzində ənənəvi musiqi irsimizin zənginliyini, xalq və bəstəkar mahnılarından ibarət mahnı proqramını təqdim etməlidir;
3. Müsabiqədə ifa olunacaq mahnılar mütləq xalq və bəstəkar mahnıları olmalıdır.
Müsabiqənın keçiriləcəyi rayonlar:
İsmayıllı, Şamaxı, Ağsu, Qobustan.
Müsabiqənin sənəd qəbulu:
May ayının 1-dən 10-dək.
Layihənin əsas məqsədi istedadlı gəncləri üzə çıxarıb, onlara dəstək olmaqdır.
İştirak etmək istəyən gənclər qeyd olunan nömrə ilə əlaqə saxladıqdan sonra hər bir rayon üzrə Mədəniyyət mərkəzinə sənədləri təqdim edə bilərlər.
Əlaqə nömrəsi: 050 411 29 67.
Dağlıq Şirvan Regional Mədəniyyət İdarəsi İsmayıllı Rayon Mədəniyyət Mərkəzi"
Becan.az
Oxşar xəbərlər
{sape_links}