Vladimir Putinlə İlham Əliyevin təkbətək görüşü olub

Bakıda dövlət səfərində olan Rusiya prezidenti Vladimir Putin avqustun 19-da səhər Şəhidlər Xiyabanına və Heydər Əliyevin məzarına əklillər qoyub.

Bundan sonra "Zaqulba" iqamətgahında Rusiya prezidentilə rəsmi görüş mərasimi keçirilib. Qeyd edək ki, dünən axşam Putin Azərbaycana dövlət səfərinə gəlib.

Mərasimdən sonra İlham Əliyevin Vladimir Putinlə təkbətək görüşü başlayıb.

Protokol çəkilişləri zamanı Putin deyib ki, Azərbaycana səfərdən sonra Əliyevlə danışıqların nəticələri barədə Paşinyana məlumat verəcək.

"Rusiya Federasiyası hər iki tərəfin ehtiyac bildiyi dərəcədə Bakı və Yerevan arasında nizamlanmada iştiraka hazırdır. Rusiya Ermənistanla Azərbaycan arasında sülhün imzalanması və sərhədin demarkasiyası üçün nəsə edə bilərsə, bundan məmnun olar", - Putin deyib.

Becan.az