Tahir Kərimli "Azərişıq"ın sabit tarifinə etiraz etdi
Cəmiyyət
12:57
21.02.2026
917
Sabiq deputat Tahir Kərimli “Azərişıq” ASC-nin abonentlərdən aylıq 1 manat sabit tarif tutmasına etiraz edib. O, sözügedən ödənişin əsassız olduğunu və ləğv edilməli olduğunu bildirib.
Kərimli qeyd edib ki, abonentlərin razılığı olmadan sabit məbləğin tətbiqi doğru deyil:
“Azərişıq ASC-nin abonentlərinin, heç olmazsa, 1%-i razıdırmı onlardan 1 manat tutulsun? İstifadə olunmayan işıq üçün vəsait tutulmalıdırmı? Dəxli yoxdur, 1 manatdır, ya 10 manat... Bu, konstitusion hüququn pozulmasıdır. Axı, kim bununla razıdır?”
Sabiq deputat əlavə edib ki, məbləğin az və ya çox olması məsələnin mahiyyətini dəyişmir:
“Bu, mənfəət, özü də zəhmət olmadan, nahaq gəlir götürmək istəyənlərin istəyindən başqa bir şey deyil. Hər abonentdən 1 AZN tutulması yanlış addımdır. Dəhşətdir…”
Kərimli hesab edir ki, sabit tarif tətbiqi yenidən nəzərdən keçirilməli və ləğv olunmalıdır.
Becan.az
Oxşar xəbərlər
{sape_links}