İki idarə rəisi istefa verib - FOTO
Cəmiyyət
18:11
6.04.2023
1 141
Mədəniyyət Nazirliyi yanında Mədəni İrsin Qorunması, İnkişafı və Bərpası Xidmətinin Şabran regional idarəsinin rəisi Sabit Qurbanov və Salyan regional idarəsinin rəisi Babək Bəkirov öz ərizələri ilə işdən azad ediliblər.
Xəbər verilir ki, iki idarə rəisinin öz ərizələri ilə işdən getməsinin bir neçə səbəbi var.
Bunlar - qurum tərəfindən ərazilərdə mədəni irsi öyrənmək üçün lazımi şəraitin yaradılmaması, maaşların azlığı, xidməti avtomobillərin olmaması, yanacağın verilməməsi kimi səbəblərdir.
Şabran regional idarəsinin sabiq rəisi Sabit Qurbanov öz ərizəsi ilə işdən getməsini təsdiqləyib. Lakin o, səbəblər barədə danışmaq istəməyib.
Bundan başqa, Mədəni İrsin Qorunması, İnkişafı və Bərpası Xidmətinin nəzarət şöbəsinin rəisi Ruslan Ənvərlinin maliyyə sektorunun aparıcı məsləhətçisi Taleh Nəbiyevin və abidə mühafizəçisi Elcan Hüseynəliyevin də öz ərizələri ilə işdən getdikləri bildirilir.
Mədəni İrsin Qorunması, İnkişafı və Bərpası Xidmətinin mətbuat katibi Fariz Hüseynli məsələ barədə məlumat veriləcəyini bildirib.(Bizim.media)
Oxşar xəbərlər
{sape_links}